Qendra për Progres Rinor këto ditë po organizon takime përgatitore dhe orientuese për aktivitetin “Kukës Talent Show”, një projekt i mbështetur nga Kongresi Rinor Kombëtar. Pjesëmarrja dhe interesi nga fëmijët në këtë konkurs ka qenë i lartë. Qëllimi i këtij aktiviteti është promovimi i talenteve të reja në Kukës në fusha të ndryshme të artit si muzikë, pikturë, imitim, krijim letrar, dhe çdo fushë tjetër që lidhet me kreativitetin dhe përbën interes për fëmijët. Por nga ana tjetër Rifat Demaliaj kërkon bashkëpunim nga Bashkia Kukës që kjo e fundit t’i ofrojë ambiente të përshtatshme për mbarëvajtjen e aktivitetit.